Torrach agus ag Smaoineamh faoi Uchtáil
Má tá tú díreach tar éis a fháil amach go bhfuil tú torrach, d’fhéadfadh sé go mbeadh tú trína chéile maidir lena bhfuil i ndán duit san am atá romhat agus maidir leis na cinntí atá le déanamh agat. D’fhéadfadh sé cuidiú leat dá mbeifeá in ann an cás a phlé le hathair an linbh nó le do theaghlach féin.
Comhairliúchán
Má tá spéis agat gaol a lorg agus más mian leat leas a bhaint as comhairliúchán, de ghnáth, cuireann an ghníomhaireacht a d’eagraigh an uchtáil an tseirbhís seo ar fáil. Tá formhór na sean-ghníomhaireachtaí uchtála dúnta síos agus tá a gcuid taifead aistrithe chuig Tusla – An Ghníomhaireacht um Leanaí agus an Teaghlach.
Comhairliúchán
Uchtálacha Gníomhaireachta
Má tá spéis agat gaol a lorg agus más mian leat leas a bhaint as comhairliúchán, de ghnáth, cuireann an ghníomhaireacht a d’eagraigh an uchtáil an tseirbhís seo ar fáil. Tá formhór na sean-ghníomhaireachtaí uchtála dúnta síos agus tá a gcuid taifead aistrithe chuig Tusla – An Ghníomhaireacht um Leanaí agus an Teaghlach. Cuireann siad eolaire ar fáil ar a láithreán gréasáin maidir leis na gníomhaireachtaí úchtála a bhfuil a gcuid taifead acu agus maidir le láthair reatha na dtaifead seo. Cliceáil anseo le haghaidh tuilleadh mionsonraí a fháil.
I gcásanna na n-uchtálacha a bhí eagraithe ag St Therese Adoption Society a bhí lonnaithe i Sráid na mBráithre Bána, Baile Átha Cliath, tá taifid na heagraíochta sin ag an Údarás Uchtála.
Uchtálacha príobháideacha/neamhghníomhaireachta
Tharla roinnt uchtálacha nach raibh eagraithe trí ghníomhaireacht, mar shampla, tráth a ndearna an mháthair bhreithe a leanbh a shocrú go díreach leis na tuismitheoirí uchtaíocha nó ar chuidigh tríú páirtí leis an leanbh a shocrú leis na tuismitheoirí uchtaíocha. I gcásanna eile, d’fhéadfadh sé go ndearnadh an leanbh a shocrú le duine den teaghlach a rinne an leanbh a uchtáil ansin.
Más iad St Therese Adoption Society a d’eagraigh d’uchtáil nó gur uchtáil neamh-ghníomhaireachta a bhí ann mar a ndéantar cur síos air thuas, oibreoidh foireann oibre sóisialta an Údaráis Uchtála leat le treoir, cúnamh agus comhairliúchán a chur ar fáil duit le linn duit a bheith ag iarraidh teagmháil nó teacht le chéile le duine de do theaghlach breithe a eagrú.
I ngach cás eile ní mór duit teagmháil a dhéanamh leis an ngníomhaireacht nó leis an gcomhlacht ag a bhfuil do chuid taifid.
Faisnéis agus Seirbhísí Lorgaireachta
Molaimid go láidir duit clárú leis an gClár Náisiúnta um Thosaíochtaí Teagmhála Uchtaithe mar chéad chéim ó thaobh faisnéis a lorg agus/nó teagmháil a dhéanamh le gaol breithe. Cuireann an Fhoireann Oibre Sóisialta idirghabháil agus comhairliúchán ar fáil do dhaoine a bhfuil nascadh déanta orthu tríd an gClár Náisiúnta um Thosaíochtaí Teagmhála Uchtaithe.
Tabharfaidh an chuid ar Fhaisnéis agus ar Lorgaireacht den láithreán gréasán seo faisnéis atá níos praiticiúla duit ó thaobh tús a chur le cuardach faisnéise, go háirithe mura bhfuil tú cinnte maidir leis an ngníomhaireacht uchtála a d’eagraigh an uchtáil, nó mura bhfuil tú cinnte cibé ar uchtáladh go foirmiúil tú.
Naisc Úsáideacha
Faisnéis do Mháithreacha Breithe – ullmhú do theagmháil a dhéanamh le d’uchtleanbh atá fásta suas anois - Danú Birth Mothers Group
Tús Áite do Leanaí agus Grinnfhiosrúchán an Gharda Síochána
Achtaíodh go hiomlán an tAcht um Thús Áite do Leanaí 2015 i mí na Nollag na bliana 2017. Tá na Treoirlínte do Thús Áite do leanaí tugtha cothrom le dáta ón mbliain 2011 anois go dtí Tús Áite do Leanaí: Treoir Náisiúnta do Chosaint agus Leas Leanaí, 2017.
Tús Áite do Leanaí agus Grinnfhiosrúchán an Gharda Síochána
Tús Áite do Leanaí
Achtaíodh go hiomlán an tAcht um Thús Áite do Leanaí 2015 i mí na Nollag na bliana 2017. Tá na Treoirlínte do Thús Áite do leanaí tugtha cothrom le dáta ón mbliain 2011 anois go dtí Tús Áite do Leanaí: Treoir Náisiúnta do Chosaint agus Leas Leanaí, 2017.
Is é an tÚdarás Uchtála an eagraíocht ábhartha faoin Acht um Thús Áite do Leanaí 2015. Ceanglaíonn an tAcht um Thús Áite do Leanaí i gcomhar leis na Treoirlínte ar gach Eagraíocht Ábhartha a chinntiú go mbíonn leanaí sábháilte ó dhíobháil agus iad ag úsáid a seirbhísí. Tugann gach eagraíocht ábhartha faoi Mheasúnú Riosca lena aithint cibé an bhféadfaí díobháil a dhéanamh do leanbh nó do dhuine óg agus iad ag úsáid na seirbhísí; agus tá Ráiteas um Chosaint Leanaí acu a thugann breac-chuntas ar bheartais agus ar nósanna imeachta atá i bhfeidhm le rioscaí aitheanta a bhainistiú.
Beidh Duine Ábhartha tarmligthe nó teagmhálaí ainmnithe mar chéad phointe teagmhála maidir leis an Ráiteas um Chosaint Leanaí agus gach ní eile a bhaineann le cosaint leanaí. Sonraítear san Acht agus sna Treoirlínte freisin go mbeidh Daoine Sainordaithe ann le húdar imní maidir le leas nó le cosaint leanaí a thuairisciú go foirmiúil do Tusla, an Ghníomhaireacht um Leanaí agus an Teaghlach. Tá tairseach ar líne ag Tusla (an Ghníomhaireacht um Leanaí agus an Teaghlach) do thuarascálacha Sainordaithe: www.tusla.ie/children-first/web-portal. Tugann duine ábhartha na heagraíochta faoi oiliúint na foirne go léir in eagraíocht ábhartha.
Cliceáil anseo le do thoil le rochtain a fháil chuig an Ráiteas um Chosaint Leanaí
Grinnfhiosrúchán an Gharda Síochána
Tá Grinnfhiosrúchán an Gharda Síochána mar chuid lárnach ó thaobh sábháilteacht agus cosaint leanaí agus daoine soghonta a chinntiú. Éilíonn reachtaíocht na bliana 2012 grinnfhiosrúchán sainordaitheach ar fhostaithe a bhfuil rochtain acu ar leanaí agus daoine soghonta sula bhfostaítear iad. Tá Údarás Uchtála na hÉireann cláraithe leis an mBiúró Náisiúnta Grinnfhiosrúcháin (NVB) chun na críche seo.
Soláthraíonn an tÚdarás Uchtála seirbhísí go díreach do dhaoine fásta tríd an gClár Náisiúnta um Thosaíochtaí Teagmhála Uchtaithe, trí theaghlaigh Éireannacha a mheaitseáil le leanaí in Éirinn agus thar lear agus trí líne theileafóin an oibrí sóisialta ar dualgas. Tá sé mar bheartas ag an Údarás Uchtála go rachaidh gach duine den fhoireann trí grinnfhiosrúchán an gharda síochána agus tugtar é sin cothrom le dáta ar bhonn rialta.
Monatóireacht agus Athbhreithniú ar Sheirbhísí
Oibríonn oibrithe sóisialta, an fhoireann riaracháin agus Comhairleoir Leighis an Údaráis Uchtála i gcomhar le chéile le hathbhreithniú agus monatóireacht a dhéanamh ar gach iarratas uchtála.
Monatóireacht agus Athbhreithniú ar Sheirbhísí
Foireann Ildisciplíneach (MDT)
Oibríonn oibrithe sóisialta, an fhoireann riaracháin agus Comhairleoir Leighis an Údaráis Uchtála i gcomhar le chéile le hathbhreithniú agus monatóireacht a dhéanamh ar gach iarratas uchtála. Clúdaíonn athbhreithnithe gach gné den chleachtas uchtála, lena n-áirítear:
- • comhairliú agus comhchomhairliúchán leis na tuismitheoirí breithe;
- • toiliú maidir le huchtáil;
- • measúnacht le haghaidh Dearbhú Incháilitheachta agus Oiriúnachta ó thaobh uchtála;
- • próiseas roghnaithe agus meaitseála as a n-eascraíonn cur faoi chúram leanbh le teaghlach sonrach le haghaidh uchtála;
- • tuarascála i ndiaidh chur faoi chúram;
- • iarratais ar orduithe uchtála;
- • iarratais le haghaidh teastas breithe bunaidh a scaoileadh;
- • iarratais le haghaidh faisnéis aitheantais a scaoileadh.
I roinnt cásanna maidir le huchtáil idir tíortha nuair nach mbíonn aon ghníomhaireacht idirghabhála ag feidhmiú thar ceann teaghlaigh Éireannacha mar atá cúrsaí sa Téalainn agus sna Filipínigh, déanann oibrithe sóisialta an Údaráis Uchtála idirchaidreamh go díreach leis an ucht-teaghlach ionchasach le mionsonraí an linbh atá á mholadh/á moladh dóibh ag Údarás Lárnach na tíre a phlé.
Léiríonn na hathbhreithnithe leanúnacha treochtaí i gcleachtas uchtála ag baile agus thar lear agus tugann an deis dúinn staitisticí a chur le chéile. Cuireann na treochtaí agus na staitisticí eolas ar fáil do sheimineáir agus d’oiliúint an Údaráis Uchtála do lucht gairme sna seirbhísí uchtála agus in iniúchtaí seirbhísí.
Oiliúint
Reáchtálann Bord Údarás Uchtála na hÉireann trí sheimineár ar bhonn bliantúil i réimsí Faisnéise agus Lorgaireachta, Uchtáil Idir Tíortha agus athruithe reachtúla.
Eagraíonn an Fhoireann Oibre Shóisialta ceithre fhóram ar bhonn bliantúil do chleachtóirí leighis agus do chleachtóirí obair shóisialta araon sna seirbhísí náisiúnta uchtála. Cuireann na fóraim eolas ar fáil do lucht gairme maidir leis na fíor-fhorbairtí is déanaí in obair uchtála. Áirítear ar ábhair do na fóraim freisin, reachtaíocht atá le tarlú go luath, teoiric agus scileanna comhairleoireachta, acmhainneacht tuismitheoirí uchtaíocha ionchasacha a mheaitseáil le riachtanais na leanaí agus faisnéis a bhaineann go sonrach le huchtáil idir tíortha.
Cuireann an fhoireann faisnéis agus seisiúin faisnéise bhreise ar fáil chun tacú le treoirlínte a fhorbairt do shárchleachtas sna seirbhísí uchtála.
Cuireann na seimineáir agus na fóraim go léir pointí CPD ar fáil do lucht gairme atá rannpháirteach.
Creidiúnú agus Iniúchadh
Déantar formhór na seirbhísí uchtála náisiúnta a sheachadadh trí oifigí áitiúla Tusla – an Ghníomhaireacht um Leanaí agus an Teaghlach agus trí chomhlachtaí atá creidiúnaithe ag an Údarás Uchtála. Tá baint ag an fhoireann Oibre Sóisialta le hathbhreithniú a dhéanamh ar iarratais ó thaobh gníomhaireachtaí uchtála a chreidiúnú.
Déanann an fhoireann ildisciplíneach athbhreithniú agus monatóireacht ar bhonn leanúnach ar sheirbhísí Tusla - an Ghníomhaireacht um Leanaí agus an Teaghlach trí athbhreithnithe deisce ar na doiciméid go léir a éilíonn údarú an Údaráis Uchtála.
Déantar athbhreithniú ar sheirbhísí a chuireann comhlachtaí creidiúnaithe ar fáil gach uile sé mhí trí féintuairisciú. Tionóltar iniúchtaí ar an láthair ar chomhlachtaí creidiúnaithe chun Acht Uchtála 2010 agus na Rialacháin a chomhlíonadh.
Seirbhísí Tar Éis Uchtála
Tá Údarás Uchtála na hÉireann ríméadach an tionscnamh seo a sheoladh – an tEolaire maidir le Seirbhísí Tar Éis Uchtála. Is é atá mar chuspóir leis an Eolaire cuidiú le daoine sa tír a bhfuil seirbhísí tar éis uchtála á lorg acu.
Seirbhísí Tar Éis Uchtála
Eolaire maidir le Seirbhísí Tar Éis Uchtála
Tá Údarás Uchtála na hÉireann ríméadach an tionscnamh seo a sheoladh – an tEolaire maidir le Seirbhísí Tar Éis Uchtála. Is é atá mar chuspóir leis an Eolaire cuidiú le daoine sa tír a bhfuil seirbhísí tar éis uchtála á lorg acu. Cliceáil anseo le do thoil leis an Eolaire a léamh nó a íoslódáil.
Leis an fhaisnéis is déanaí a chur ar fáil don Eolaire, déan teagmháil le hÚdarás Uchtála na hÉireann ag 01 2309 306 nó ríomhphost SW@aai.gov.ie .
Más mian leat aiseolas, moltaí nó tuairimí a chur ar fáil maidir leis an Eolaire, déan teagmháil go díreach le do thoil le Katie Harrigan, Cleachtóir Sinsearach Obair Shóisialta ag 01 2309 318 nó Katie_Harrigan@aai.gov.ie
Tuarascáil ICGP & AAI: Tuarascálacha tar éis Cur faoi Chúram maidir le hUchtáil Idir Tíortha: Suirbhé ar Dhochtúirí Teaghlaigh na hÉireann
Rinne Údarás Uchtála na hÉireann suirbhé i gcomhar le Comhairle na nDochtúirí Leighis in Éirinn ar Dhochtúirí Teaghlaigh na hÉireann, maidir le leanaí a tugadh thar lear lena n-uchtáil in Éirinn. Cliceáil anseo leis an tuarascáil ar thorthaí an tsuirbhé a léamh.
Maidir linne
Tá na seirbhísí uchtála go léir á rialú ag Údarás Uchtála na hÉireann. Athbhreithníonn agus déanann an fhoireann oibre sóisialta monatóireacht, mar chuid den rialachán sin, ar an gcleachtas maidir le hobair shóisialta ag gach céim den phróiseas uchtaithe ar feadh an tsaoil, lena n-áirítear:
- toircheas géarchéime chomh fada le cinntí maidir le huchtáil;
- measúnacht ar thuismitheoirí uchtaíocha ionchasacha;
- leanaí a mheaitseáil le tuismitheoirí uchtaíocha ionchasacha oiriúnacha;
- ag labhairt le leanaí maidir le huchtáil;
- ag cur tacaíochta ar fáil tar éis uchtála;
- idirghabháil agus comhairliúchán ó thaobh cuardach agus teacht le chéile a eagrú.
Soláthraíonn Foireann Oibre Sóisialta an Údaráis Uchtála idirghabháil agus comhairliúchán do dhaoine a bhí bainteach le huchtálacha tríú páirtí agus teaghlaigh. Cuireann an fhoireann fhaisnéise, comhairle agus tacaíocht ar fáil freisin maidir le saincheisteanna a bhaineann le huchtáil. Fáiltítear roimh fhiosrúcháin ó dhaoine den phobal chomh maith le lucht gairme.
Déan teagmháil leis an Fhoireann Oibre Sóisialta:
An bPost: An Fhoireann Oibre Sóisialta
Údarás Uchtála na hÉireann
Teach Shíol Bhroin
Droichead na Dothra
Baile Átha Cliath 4
DO4 H6F6
