Céard is Creidiúnú ann?

Measúnú foirmiúil ar eagraíocht nó ar chlár in aghaidh critéar atá leagtha síos sa reachtaíocht. I gcomhthéacs na huchtála ciallaíonn creidiúnú an measúnú foirmiúil ag Údarás Uchtála na hÉireann ar fhorais nó daoine áirithe, go háirithe ar fhorais nó daoine atá bainteach le socruithe a dhéanamh le haghaidh uchtáil páiste nó le soláthar seirbhísí mar rianú, comhairleoireacht nó idirghabháil le haghaidh daoine uchtaithe nó gaolta daoine uchtaithe.
An reachtaíocht a rialaíonn an próiseas creidiúnaithe is ea Ionstraim Reachtúil Uimh.524 (Forais Chreidiúnaithe) de Rialacháin 2010 den Acht Uchtála 2010.

Cé hiad nach mór dóibh a bheith creidiúnaithe?

Aon chomhlacht nó duine atá bainteach le ceann ar bith de na gníomhaíochtaí atá liostaithe thíos ní mór dóibh a bheith creidiúnaithe ag Údarás Uchtála na hÉireann chun gur féidir leo leanúint leis na gníomhaíochtaí chun teacht leis an dlí. 
Cuimsíonn gníomhaíochtaí:

• ag déanamh aon chomhaontaithe nó socrúcháin i leith, nó ag éascú uchtáil nó chothabháil an pháiste ag duine ar bith;
• ag cur tús le, nó ag glacadh páirte in aon idirbheartaíocht a bhfuil sé de rún nó de thoradh aige, comhaontú nó socrúchán dá leithéid a dhéanamh.
• ag cur ar duine eile tús a chur le nó páirt a ghlacadh in aon idirbheartaíocht dá leithéid;
• ag tairiscint tús a chur le hidirbheartaíocht ar son tuismitheoirí an pháiste nó ar son uchtaitheoirí ionchasacha ar mhaithe le huchtáil a eagrú;
• ag cur i gcrích nó ag déanamh aon socruithe chun measúnú cáilitheachta agus oiriúnachta a chur i gcrích;
• ag réiteach tuairiscí ar mheasúnuithe cáilitheachta agus oiriúnachta;
• ag cur eolas, comhairle agus comhairleoireacht ar fáil i leith uchtála d’aon uchtaitheoirí ionchasacha;
• ag cur eolas, comhairle agus comhairleoireacht ar fáil i leith uchtála do mháthair nó do chaomhnóir atá ag beartú páiste a chur suas le haghaidh uchtála.
• ag soláthar eolais agus comhairle i leith stádas míochaine nó eile an pháiste i leith uchtála;
• ag socrú páiste le haon uchtaitheoirí ionchasacha;
• ceann nó níos mó de na trí ghníomhaíocht seo leanas

• –ag cuidiú le

• daoine uchtaithe (18 bliana d’aois nó níos mó) chun a dtuismitheoirí breithe a rianú, agus
• tuismitheoirí breithe nó gaolta eile (18 bliana nó níos mó) de dhaoine uchtaithe chun daoine uchtaithe a rianú;

• ag déanamh comhairleoireachta ar na daoine a bhfuil cur síos orthu thuas;
• ag déanamh idirghabhála idir daoine uchtaithe agus tuismitheoirí breithe nó gaolta eile a bhfuil curtha síos orthu thuas

Le haghaidh liosta de Chomhlachtaí Creidiúnaithe Fhaofa cliceáil anseo .

Conas mar a fhaightear Creidiúnú?

Chun stádas creidiúnaithe a fháil ní mór d’fhoras nó do dhuine iarratas a dhéanamh chuig Údarás Uchtála na hÉireann. Ní mór go sásóidís na critéir atá leagtha síos sa reachtaíocht, lena n-áirítear eolas a chur ar fáil don Údarás Uchtála faoina gcúrsaí airgeadais, rialachais &rl. Le haghaidh eolais níos mionsonraí is féidir scríobh chuig Údarás Uchtála na hÉireann, Aonad Seirbhísí Corparáideacha agus Creidiúnaithe, Teach Shíol Bhroin, Bóthar Shíol Bhroin, Droichead na Dothra, Baile Átha Cliath 4 D04 H6F6.

Luach an Chreidiúnaithe

Tugann creidiúnú le fios go bhfuil eagraíocht nó clár ag bainistiú a chuid acmhainní go héifeachtach agus ag soláthar na seirbhísí is fearr is féidir do gach páirtí leasmhar.

Úsáideoirí Seirbhíse

• Services meet best practice standards
• Comhlíonann seirbhísí caighdeáin dea-chleachtais
• Cuireann foireann atá oilte go cuí seirbhísí ar fáil
• Glacann cliaint páirt i bpróiseas cinnteoireachta an tseachadta seirbhíse
• Cuirtear seirbhísí ar fáil i dtimpeallacht shábháilte agus mheasúil
• Tá príobháideachas cosanta
• Tacaíonn seirbhísí le torthaí dearfacha
• Tá na seirbhísí inniúil go cultúrtha
• Services are culturally competent

Foireann

• Déantar sláinte agus sábháilteacht a chosaint
• Déantar riosca agus dliteanas a íoslaghdú
• Tá timpeallachtaí seirbhíse éifeachtúil, éifeachtach agus tacaithe ag cultúr atá dírithe ar fheabhsú cáilíochta
• Sainítear cáilíochtaí foirne gairmiúla
• Tá Polasaí Sceithirí i bhfeidhm
• Tá córas meastóireachta feidhmíochta i bhfeidhm

Bord

• Tá cleachtais bhainistíochta airgeadais mhaithe i bhfeidhm
• Tá cleachtais eiticiúla
• Tá an plean straitéiseach reatha, ábhartha agus déantar monatóireacht air
• Córais éifeachtacha um fheabhsú cáilíochta feidhmíochta agus bainistíochta riosca i bhfeidhm
• Tugann beartais agus nósanna imeachta aghaidh ar choinbhleacht leasa, ar chóireáil fhabhrach, ar chuntasacht agus ar tharmligean údaráis