Tá cearta áirithe agat, mar ábhar sonraí, faoin Rialachán Ginearálta maidir le Cosaint Sonraí a leagtar amach thíos. Níl feidhm ag roinnt acu ach i gcúinsí sonracha agus tá siad cáilithe ar bhealaí áirithe le díolúintí sa reachtaíocht um chosaint sonraí. Cuirfimid in iúl duit sa fhreagra ar d’iarraidh má bhímid ag brath ar aon díolúine den chineál sin.

• Rochtain ar do shonraí pearsanta: : Tá sé de cheart agat cóip den fhaisnéis phearsanta a bhaineann leat atá inár seilbh a iarraidh. Más maith leat iarraidh den chineál sin a dhéanamh, féach ar an rannán Déan Teagmháil Linn.       

  Ba cheart duit oiread eolais a thabhairt agus is gá chun tú a shainaithint chomh maith le haon eolas ábhartha eile a chabhróidh linn d’iarraidh a chomhlíonadh.

• Sonraí pearsanta a cheartú: Féadfaidh tú iarraidh orainn aon sonraí pearsanta míchearta a bhaineann leat atá á bpróiseáil againn a cheartú.
• An ceart toiliú a tharraingt siar: I gcás gur bhraitheamar ar do thoiliú chun do shonraí pearsanta a phróiseáil, tá sé de cheart agat an toiliú sin a tharraingt siar.
• An ceart go ndéanfaí léirscriosadh: Féadfaidh tú iarraidh orainn do shonraí pearsanta a léirscriosadh i gcás nach bhfuil cúis mhaith ann go leanfaí lena bpróiseáil. Níl feidhm ag an gceart seo ach i gcúinsí áirithe; ní ceart ráthaithe ná ceart glan é. 
• An ceart chun iniomparthacht sonraí: De réir an chearta seo, féadann tú na sonraí pearsanta a chuir tú ar fáil dúinn le do thoiliú nó a raibh gá leo chun táirgí nó seirbhísí a chur ar fáil duit, a fháil i bhformáid inar féidir leat na sonraí pearsanta sin a aistriú chuig eagraíocht eile. D’fhéadfadh sé go mbeadh sé de cheart agat go ndéanfaimis do shonraí pearsanta a aistriú go díreach chuig eagraíocht eile má tá sé sin indéanta go teicniúil.
• An ceart go gcuirfí srian ar phróiseáil sonraí pearsanta: I gcúinsí áirithe tá sé de cheart agat a iarraidh go gcuirfimis próiseáil do shonraí pearsanta ar fionraí. I gcás go gcuirfimid próiseáil do shonraí pearsanta ar fionraí, beidh cead fós againn do shonraí pearsanta a stóráil, ach beidh orainn toiliú a fháil uait chun aon phróiseáil eile a dhéanamh ar an bhfaisnéis seo, faoi réir díolúintí áirithe.
• An ceart chun agóid a dhéanamh i gcoinne phróiseáil sonraí pearsanta: Tá sé de cheart agat agóid a dhéanamh i gcoinne na húsáide a bhainimid as do shonraí pearsanta, atá á bpróiseáil ar bhonn ár leasanna dlisteanacha. Féadfaimid leanúint le do shonraí pearsanta a phróiseáil, áfach, d’ainneoin agóide uait, i gcás go bhfuil forais dhlisteanacha láidre ann chun é sin a dhéanamh nó i gcás gur gá dúinn do shonraí pearsanta a phróiseáil i ndáil le haon éilimh dhlíthiúla.

Má tá cúis ghearáin agat i dtaca leis an úsáid a bhainimid as do shonraí pearsanta, déan teagmháil linn agus déanfaimid ár ndícheall an fhadhb a réiteach duit. Mura féidir linn cabhrú leat, tá sé de cheart agat gearán a chur faoi bhráid údarás maoirseachta na hÉireann, an Coimisinéir Cosanta Sonraí.

Le haghaidh tuilleadh eolais ar do chearta, déan teagmháil leis an gCoimisiún um Chosaint Sonraí.

Má tá tú 16 bliain d’aois nó faoina bhun sin, CAITHFIDH tú toiliú do thuismitheora/chaomhnóra a fháil sula gcuireann tú faisnéis phearsanta ar fáil dár suíomh gréasáin. Níl cead ag úsáideoirí nach bhfuil an toiliú sin acu faisnéis phearsanta a thabhairt dúinn.

Bainimid. Is comhaid bheaga iad fianáin a n-aistríonn suíomh nó a sholáthraí seirbhíse chuig tiomántán crua do ríomhaire trí do bhrabhsálaí gréasáin (má cheadaíonn tú é) chun gur féidir le córais na suíomhanna nó na soláthraithe seirbhíse do bhrabhsálaí a aithint agus chun faisnéis áirithe a ghabháil agus a thabhairt chun cuimhne.

Baintear úsáid as Google Analytics ar an suíomh gréasáin seo chun staitisticí anaithnide a bhailiú faoi chuairteoirí ar an suíomh agus faoi na leathanaigh a dtugtar cuairt orthu.

Más fearr leat, is féidir leat a roghnú go dtabharfaidh do ríomhaire rabhadh duit gach uair a gcuirtear fianán chugat, nó is féidir leat fianáin uile a chasadh as sna socruithe brabhsálaithe.  Ar nós an chuid is mó de na suíomhanna idirlín, seans nach bhfeidhmeoidh roinnt dár seirbhísí i gceart.

Ní dhéanfaimid faisnéis atá inaitheanta go pearsanta a dhíol nó a bhabhtáil le páirtithe eile nó a aistriú chucu ar bhealach eile.

Féadfar faisnéis nach bhfuil inaitheanta go pearsanta a chur ar fáil do pháirtithe eile chun críocha tuairiscithe agus staitisticí. Mar shampla, seans go nochtfaimid líon iomlán na gcuairteanna ar ár suíomh idirlín.

Coimeádaimid an ceart chun athruithe a dhéanamh ar an bpolasaí príobháideachais gréasáin uair ar bith gan comhairliúchán roimh ré; cuirfear na hathruithe sin ar an leathanach seo mar aon le dáta leasaithe an pholasaí príobháideachais.

Má bhíonn ceist ar bith agat maidir leis an bPolasaí Príobháideachais seo, is féidir leat an t-eolas thíos a úsáid chun teagmháil a dhéanamh linn.

Oifigeach Cosanta Sonraí

Údarás Uchtála na hÉireann

Teach Shíol Bhroin

Bóthar Shíol Bhroin

Baile Átha Cliath 4

D04 h6f6

Is féidir lenár n-úsáideoirí seirbhíse fiosrúcháin maidir le cosaint sonraí pearsanta, príobháideacht agus slándáil a chur chuig dataprotection@aai.gov.ie

Dáta an Athbhreithnithe Dheireanaigh:

17 Bealtaine 2019