Ar mhaithe le tús a chur le huchtáil ag leastuismitheoir, ní mór duit tabhairt faoi mheasúnú do Dhearbhú Incháilitheachta agus Oiriúnachta i dtús báire. Ar mhaithe le measúnú a shocrú, déan teagmháil, le do thoil, leis na Seirbhísí Uchtála áitiúla i Tusla – an Ghníomhaireacht um Leanaí agus an Teaghlach- nó le Comhlacht Creidiúnaithe. Is féidir leat cliceáil anseo le seoladh na Seirbhísí Uchtála Áitiúla a aimsiú. Ba chóir duit an fhaisnéis sa chuid ar uchtáil ag Leastuismitheoir ar an láithreán gréasáin seo a léamh freisin.

Ní féidir. Faoi théarmaí an Achta Uchtála 2010, níl leanaí ó phósadh incháilithe le haghaidh uchtála, seachas in imthosca atá thar a bheith sainiúil. Áirítear ar na himthosca seo, sa chás go measann an Ard-Chúirt gur tréigeadh an leanbh ó phósadh agus sa chás nach bhfuil ceachtar de thuismitheoirí an linbh ón bpósadh fós beo. Ní féidir leanbh a uchtáil a bhfuil tuismitheoir leis/léi ar a bhfuil cúram an linbh, fós beo.

Ní féidir. Ní féidir uchtáil a dhéanamh in Éirinn ach amháin má tá an leanbh faoi 18 bliain d’aois ar an dáta a ndéantar an tOrdú Uchtála. Níl aon fhoráil sa reachtaíocht reatha le duine ar bith atá os cionn 18 bliain d’aois a uchtáil.

Déanann an Phríomh-Oifig Clárúcháin i Rós Comáin cothabháil ar Chlár d’Uchtleanaí. Chun cóip de Dheimhniú Uchtála a fháil, déan teagmháil le do thoil leis an bPríomh-Oifig Clárúcháin ar 0906 – 632900 nó 1890 252076

Is féidir leat éileamh a dhéanamh na doiciméid seo a sheoladh ar ais chugat trí scríobh chuig an Aonad Uchtála Baile, Údarás Uchtála na hÉireann, Teach Shíol Bhroin Bóthar Shíol Bhroin, Baile Átha Cliath 04 H6F6 nó trí ríomhphost a sheoladh chuig domestic@aai.gov.ie

Tabhair ar aird le do thoil nach féidir an Deimhniú Breithe bunaidh do leanaí uchtaithe a sheoladh ar ais, mar go dtagann deimhniú eile ina áit ar Ordú Uchtála a dhéanamh. Tá Deimhniú Uchtála le fáil ón bPríomh-Oifig Clárúcháin.

Ar mhaithe le tús a chur le hiarratas uchtála, ní mór duit tabhairt faoi mheasúnú do Dhearbhú Incháilitheachta agus Oiriúnachta i dtús báire. Ar mhaithe le measúnú a shocrú, déan teagmháil le do thoil leis na Seirbhísí Uchtála áitiúla i Tusla – an Ghníomhaireacht um Leanaí agus an Teaghlach nó le Comhlacht Creidiúnaithe. Is féidir leat cliceáil anseo le seoladh na Seirbhísí Uchtála Áitiúla a aimsiú. Ba chóir duit an fhaisnéis sa chuid ar Uchtáil Bhaile Naín ar an láithreán gréasáin seo a léamh freisin. Má tá tú ag smaoineamh leanbh ó lasmuigh den tír seo a uchtáil ní mór duit measúnú le haghaidh Dearbhú Incháilitheachta agus Oiriúnachta a dhéanamh freisin. Ba chóir duit an fhaisnéis sa chuid ar Uchtáil Idir Tíortha ar an láithreán gréasáin seo a léamh freisin.

Ní ghearrann Údarás Uchtála na hÉireann nó Tusla - an Ghníomhaireacht um Leanaí agus an Teaghlach nó an Comhlacht Creidiúnaithe ábhartha aon táillí díreacha ar Uchtáil in Éirinn. D’fhéadfadh sé, mar chuid den Phróiseas Measúnaithe, go mbeadh ort do Dhochtúir Teaghlaigh nó pearsanra leighis eile a íoc as tuarascálacha maidir le do shláinte, nó íoc ar chóip de Dheimhniú Pósta nó Deimhniú Breithe ón bPríomh-Oifig Clárúcháin, ach is costais phríobháideacha iad seo agus ní táillí uchtála.

Mar go bhfuil gach aon iarratas difriúil go huile agus go hiomlán, ní féidir achair ama táscacha a thabhairt. D’fhéadfadh sé go n-áireoidh imthosca a mbeadh tionchar acu ar achar an phróisis iarratais: Fad an liosta feithimh le haghaidh measúnú; An cineál caidreamh idir an mháthair bhreithe agus an t-athair breithe; cibé ar féidir teagmháil a dhéanamh leis an athair breithe ar mhaithe lena thuairimí faoin uchtáil bheartaithe a fháil amach; cibé a bhfuil an mháthair bhreithe sásta a toiliú a thabhairt don uchtáil bheartaithe; an t-achar ama a thógfaidh sé ortsa doiciméid a chur ar fáil don ghníomhaireacht measúnaithe nó d’Údarás Uchtála na hÉireann. Má tá imní ort faoin achar ama atá i gceist leis an iarratas a phróiseáil, ba chóir duit teagmháil a dhéanamh le d’Oibrí Sóisialta atá i mbun Measúnaithe.

Má tá tú ag smaoineamh do leanbh a thabhairt suas chun a uchtaithe, is féidir leat cliceáil anseo, nó teagmháil a dhéanamh le Tusla - an Ghníomhaireacht um Leanaí agus an Teaghlach nó le Here2Help

Tá dhá chineál teastais ar fáil ón bPríomh-Oifig Clárúcháin ar Ordú Uchtála a dhéanamh, tá sé sin cosúil leis an gcás ó thaobh Deimhnithe Breithe. Tá leagan gearr agus leagan fada de dheimhniú ar fáil. Is faisnéis atá thar a bheith bunúsach atá sa leagan gearr. Bíonn an leagan fada nó an leagan iomlán de Dheimhniú ag teastáil ó fhormhór na Ranna Rialtais nó ó ghníomhaireachtaí eile (ar an mbealach céanna a dteastaíonn leagan fada de Dheimhniú Breithe uathu ó dhaoine nach bhfuil uchtaithe). Is ionann an Deimhniú agus sliocht ón gClár d’Uchtleanaí. Más mian leat do Dheimhniú Uchtála iomlán a fháil, ba chóir duit glaoch a chur ar an bPríomh-Oifig Clárúcháin agus cóip den sliocht iomlán ón gClár d’Uchtleanaí a éileamh. Is féidir teagmháil a dhéanamh leis an bPríomh-Oifig Clárúcháin ag 0906 632900 nó 1890 252076 nó ag 

Tá taifid á gcoimeád ag an nGníomhaireacht Uchtála agus ag an Údarás Uchtála araon. Cliceáil ar an nasc seo le liosta de Chomhlachtaí Creidiúnaithe agus de Tusla - an Ghníomhaireacht um Leanaí agus an Teaghlach a fháil

Mura bhfuil an ghníomhaireacht a rinne an uchtáil a láimhsiú ar eolas agat nó má d’eagraigh gníomhaireacht seachas na gníomhaireachtaí sin atá liostaithe an uchtáil, déan teagmháil, le do thoil, leis an Aonad Faisnéise agus Lorgaireachta le cúnamh a fháil, Teileafón: 1800 309 300.

Go hiondúil, is í an ghníomhaireacht a d’eagraigh an uchtáil a lorgaíonn do theaghlach breithe. Is féidir linn, áfach, cabhrú leat le teagmháil agus bualadh le daoine den teaghlach breithe má bhí an uchtáil eagraithe ag:

• St Therese Adoption Society, Sráid na mBráithre Bána, Baile Átha Cliath 8 (ar a dtugtar Father Flanagan freisin)
• Más uchtáil tríú páirtí a bhí san uchtáil (mar shampla, murar eagraíodh an uchtáil trí ghníomhaireacht)
• Más cur faoi chúram díreach a bhí i gceist leis an uchtáil (mar shampla, chuir do mháthair bhreithe faoi chúram do chuid tuismitheoirí uchtíocha tú)
• Más cur faoi chúram teaghlaigh a bhí san uchtáil (mar shampla, más cur faoi chúram teaghlaigh a bhí i gceist leis an uchtáil (mar shampla, cuireadh faoi chúram gaolta tú)
• Más uchtáil leasteaghlaigh a bhí i gceist leis an uchtáil (mar shampla, rinne do leasathair nó do leasmháthair tú a uchtáil)

Tabhair ar aird le do thoil nach bhfuil ach taifid maidir le huchtálacha dleathacha a tharla in Éirinn ón mbliain 1953 ar aghaidh á gcoimeád ag an Údarás Uchtála.

Mura bhfuil tú cinnte go raibh ordú uchtála foirmiúil i gceist nuair a rinneadh tú a uchtáil, is féidir leat scríobh chuig an Aonad Faisnéise agus Lorgaireachta agus roinnt mionsonraí maidir le cúlra agus céannachta (ID) a chur ar fáil. Déanfaimid ár gcuid taifead a sheiceáil agus deimhneoimid cibé a raibh ordú uchtála foirmiúil i gceist leis an uchtáil.

Is éard atá i gceist leis an NACPR nó an Clár Náisiúnta Roghanna maidir le hIarratais ar Theagmháil ná clár a dhéanann na ceangail idir an duine uchtaithe agus duine den teaghlach nádúrtha. Cliceáil anseo le tuilleadh eolais a fháil

Foirmeacha Iarratais
Leabhrán Faisnéise

Mura bhfuil ar do chumas foirm a phriontáil ón láithreán gréasáin is féidir leat scríobh chugainn nó ríomhphost a sheoladh chugainn agus seolfaimid foirm chugat ar an bpost.

Tabhairt faoi mheasúnú an chéad chéim sa phróiseas uchtála idir tíortha. Féach, le do thoil, an Fhaisnéis d’Uchtaitheoirí Ionchasacha le tuilleadh faisnéise a fháil.

Le faisnéis a fháil maidir leis na daoine ar féidir leo leanbh nó leanaí a uchtáil thar lear, féach, le do thoil, an Fhaisnéis d’Uchtaitheoirí Ionchasacha agus Faisnéis maidir leis an Tír.

Is féidir le tuismitheoirí ionchasacha atá ag lorg leanbh a uchtáil thar lear uchtáil a dhéanamh ó líon tíortha difriúla. Féach, le do thoil, an Fhaisnéis maidir leis an Tír le tuilleadh faisnéise a fháil. Féach an Fhaisnéis maidir leis an Tír, le do thoil.

Tá treochtaí próifíle na leanaí atá ar fáil le haghaidh uchtála idir tíortha ag athrú i gcónaí. Féach, Faisnéise maidir leis an Tír, le do thoil, leis an fhaisnéis reatha a fháil maidir leis na tíortha éagsúla. Má tá tú ag obair le gníomhaireacht uchtála in Éirinn nó thar lear, d’fhéadfadh sé go mbeadh siad in ann comhairle a chur ort maidir leis na treochtaí is déanaí i bpróifíl leanaí, bunaithe ar tharchur a fheiceann siad ag teacht isteach.

Tá na costais maidir le huchtáil idir tíortha difriúil ó thír go tír. Féach, le do thoil, an Fhaisnéis maidir leis an Tír, le tuilleadh faisnéise a fháil maidir le costais a bhaineann go sonrach le tír.

Féach, le do thoil, Clár na nUchtálacha Idir Tíortha (RICA) le tuilleadh faisnéise agus leis na foirmeacha ábhartha a fháil.

Níl aon bhaint ag Údarás Uchtála na hÉireann le saincheist na bpasanna. Féach, le do thoil, ar láithreán gréasáin na Roinne Gnóthaí Eachtracha www.dfa.ie le haghaidh faisnéis a fháil. Ní mór duit, áfach, ar mhaithe le hiarratas a dhéanamh ar phas, d’uchtáil choigríche a chlárú in Éirinn agus deimhniú maidir le huchtáil idir tíortha a fháil. Le faisnéis a fháil conas é sin a dhéanamh, féach, le do thoil, Clár na nUchtálacha Idir Tíortha (RICA).

Ní gá. Ní féidir ach le hiarratasóirí atá ina gcónaí in Éirinn iarratas a dhéanamh ar leanbh a uchtáil isteach in Éirinn. Má tá tú i do chónaí lasmuigh d’Éirinn, ní mór duit measúnú d’uchtáil a dhéanamh sa tír ina bhfuil tú i do chónaí faoi láthair agus dul trí phróiseas uchtála na tíre sin. Bheadh an tÚdarás Uchtála ag moladh duit comhairle dlí neamhspleách a lorg i gcónaí.

• Cad atá i gceist le clárú i Rica?

Aitheantas á thabhairt ag Stát na hÉireann ‘d’uchtáil idir tíortha’ nó d’uchtáil choigríche’

• Cé leis is féidir iarratas a dhéanamh ar chlárú?

An duine uchtaithe, duine a d’uchtáil an duine uchtaithe agus aon duine eile a bhfuil leas acu sna hábhair.

• Cé leis nach féidir iarratas a dhéanamh ar chlárú?

Na daoine sin nach bhfuil clúdaithe sa chritéir thuas.

• Cén cineál cláraithe a dhiúltaítear?

Uchtálacha, nach bhfuil a gcuid éifeachtaí ar aon dul tríd is tríd leo siúd a bhaineann le huchtáil bhaile na hÉireann.

Uchtálacha thar lear ag daoine atá ina gcónaí in Éirínn agus nár eisíodh Dearbhú Incháilitheachta agus Oiriúnachta dóibh le huchtáil a dhéanamh.

Uchtálacha ag daoine atá ina gcónaí thar lear ach nach uchtálacha Choinbhinsiún na Háige iad na huchtálacha nó sa chás nach bhfuil gnáthchónaí ar na daoine sin sa tír a rinneadh an uchtáil inti.

• Cad iad na príomhchruthúnais atá riachtanach ar mhaithe le hathbhreithniú a dhéanamh ar iarratas?

Doiciméad uchtála ar a bhfuil séala na cúirte nó údarás eile de chuid na tíre sin, mar shampla, an t-ordú cúirte bunaidh nó cóip dheimhnithe de thaifeadadh uchtála. D’fhéadfadh sé go n-éileodh an AAI cruthúnas de stádas pósta, cruthúnas de stádas cead cónaithe agus aon doiciméid ábhartha eile ar nós mionnscríbhinn.

Is ionann teaghlach a chur le chéile trí uchtáil agus ábhar a bhí thar a bheith pearsanta agus a bhí mar athrú ó bhonn duit féin agus don teaghlach. Tá an cheist a bhaineann leis an gcaoi a inseofar don leanbh gur uchtaíodh é/í ar cheann de na ceisteanna is coitianta a chuirtear agus tá níos mó ná freagra amháin ar an gceist sin. Bhain tuismitheoirí le linn dóibh a bheith ag labhairt lena gcuid leanaí úsáid as modhanna difriúla. Chuidigh sé le daoine eile labhairt le teaghlaigh eile a raibh taithí acu ar uchtáil le smaointe a fháil maidir leis an gcaoi an scéal a insint, agus ag an am céanna ag coimeád faisnéis phearsanta an linbh don leanbh amháin. Baintear úsáid go coitianta as earraí cuimhneacháin, grianghraif, doiciméid, físeáin, leabhair agus fíricí atá fite fuaite i dtaithí dhíreach an teaghlaigh. Tá faisnéis atá fíriciúil agus fírinneach agus atá oiriúnach d’aois agus d’fhorbairt an linbh ar bhealach goilliúnach ríthábhachtach.

Faigheann go leor daoine amach go bhfuil sé úsáideach labhairt le tuismitheoirí eile a bhfuil leanbh uchtaithe acu. Glac ballraíocht i ngrúpa tacaíochta nó labhair le hoibrí sóisialta atá sa réimse seo. Cuideoidh tacaíochtaí oiriúnacha leat sa phróiseas machnaimh agus cinnteoireachta maidir le cad a oibreoidh laistigh den teaghlach i gcomhthéacs do thaithí aonair agus fíricí na huchtála.

Beidh ar do chumas teagmháil a dhéanamh leis an oibrí sóisialta áitiúil freisin a bhfuil baint aige/aici le huchtáil nó beidh ar do chumas labhairt le foireann oibre sóisialta an Údaráis Uchtála, teileafón 01 2309 306 le taithí do theaghlach maidir le huchtáil a phlé leis/léi agus le cúnamh a fháil maidir leis na himthosca a bhain le breith an linbh a insint dó/di.

Tá sé de cheart ag daoine a gcéannacht a bhunú ar fhaisnéis fhíriciúil. Dá bhrí sin, tá an glao teileafóin ar an oibrí sóisialta maidir leis an ábhar seo ríthábhachtach duit féin agus don leanbh.